Obradoiro 1. Métodos e ferramentas para a experimentación en liña na investigación da linguaxe

Anastasiia Ogneava, Marie Skłodowska-Curie postdoctoral fellow at the UiT The Arctic University of Norway and an assistant professor at the Department of Developmental and Educational Psychology at the University of Santiago de Compostela

Obradoiro 2: Artificial Intelligence for Language Acquisition Research: Methods and Applications

Dr. Marvin Lavechin, CNRS Researcher, Laboratoire d’Informatique et Systèmes, Marseille, France

Obradoiro 3. Avaliación dinámica multimodal da linguaxe: como avaliar o perfil de aprendizaxe lingüística desde unha perspectiva multimodal

Alfonso Igualada (logopeda e doutor en Ciencias da Linguaxe, UOC), Pilar Jané Peralta (psicóloga, logopeda e doutoranda en Saúde e Psicoloxía, UOC), Pedro Ruiz Curcó (lingüista e doutorando en Saúde e Psicoloxía, UOC) e Lucía Domingo Moscardó (logopeda e doutoranda en Saúde e Psicoloxía, UOC).

Obradoiro 1. Métodos e ferramentas para a experimentación en liña na investigación da linguaxe

Anastasiia Ogneava, Marie Skłodowska-Curie postdoctoral fellow at the UiT The Arctic University of Norway and an assistant professor at the Department of Developmental and Educational Psychology at the University of Santiago de Compostela

O obradoiro ofrece unha introdución teórico-práctica a diversas ferramentas dispoñibles para o deseño, a implementación e a administración de experimentos en liña no ámbito da investigación da linguaxe, con especial atención ás súas aplicacións en psicolingüística, adquisición e procesamento da linguaxe e áreas afíns. Presentaranse diferentes plataformas e contornos, como Gorilla Experiment Builder, PsychoPy/Pavlovia y Labvanced. Analizaranse as súas principais características, posibilidades de uso e criterios para seleccionar a ferramenta máis axeitada en función do deseño e dos obxectivos da investigación.

A partir de exemplos concretos, abordaranse as distintas fases de creación dun experimento en liña: definición da estrutura experimental, preparación e presentación de estímulos, configuración de bloques e condicións, aleatorización e contrabalanceo, rexistro de respostas e tempos de reacción, e exportación e organización dos datos obtidos. Así mesmo, trataranse aspectos metodolóxicos específicos da investigación en liña, como o recrutamento e seguimento dos participantes, o control das condicións de participación, a calidade e fiabilidade dos datos, as vantaxes e limitacións da recollida de datos a distancia e as cuestións éticas e de protección de datos.

Na parte práctica do obradoiro, os/as participantes utilizarán Gorilla Experiment Builder para deseñar e implementar unha tarefa experimental sinxela, poñendo en práctica os contidos abordados previamente. O obradoiro pretende proporcionar unha visión xeral dos recursos dispoñibles actualmente e ofrecer criterios e ferramentas prácticas que permitan aos investigadores/as predoctorais deseñar e implementar experimentos en liña adaptados ás súas propias preguntas de investigación.

Obradoiro 2. Artificial Intelligence for Language Acquisition Research Methods and Applications

Dr. Marvin Lavechin, CNRS Researcher, Laboratoire d’Informatique et Systèmes, Marseille, (France)

Obradoiro 3. Avaliación dinámica multimodal da linguaxe: como avaliar o perfil de aprendizaxe lingüística desde unha perspectiva multimodal

Alfonso Igualada (logopeda e doutor en Ciencias da Linguaxe, UOC), Pilar Jané Peralta (psicóloga, logopeda e doutoranda en Saúde e Psicoloxía, UOC), Pedro Ruiz Curcó (lingüista e doutorando en Saúde e Psicoloxía, UOC) e Lucía Domingo Moscardó (logopeda e doutoranda en Saúde e Psicoloxía, UOC).

Na investigación sobre a linguaxe, así como na práctica clínica e educativa, o uso dos tests tradicionais adoita limitarse a medir o desempeño estático ou os coñecementos previos sobre a linguaxe infantil, o que con frecuencia introduce un forte nesgo cultural e social. Fronte a isto, a avaliación dinámica preséntase como unha metodoloxía innovadora centrada na sistematización da observación e na medición do potencial de aprendizaxe da linguaxe do individuo.

Neste obradoiro explicaremos como implementar a ferramenta de Avaliación Dinámica Multimodal da Linguaxe, que parte da hipótese de que os sinais multimodais non só facilitan a aprendizaxe lingüística, senón que tamén ofrecen unha xanela privilexiada para avaliar as habilidades lingüísticas dos nenos e nenas con trastornos do neurodesenvolvemento.

Na sesión, combinaremos explicacións teóricas e casos prácticos para aprender a establecer o perfil de aprendizaxe multimodal da linguaxe en nenos e nenas de 2 a 7 anos, en diferentes habilidades da linguaxe: vocabulario, sintaxe, pragmática, fonoloxía e narración. Así mesmo, ilustraranse conceptos esenciais da avaliación dinámica, como as estratexias de prompting, las escalas de modificabilidade e o uso de estratexias específicas de aprendizaxe mediada para cada habilidade lingüística.